Creditinfo veitti framúrskarandi fyrirtækjum viðurkenningar í Hörpu 23. október fyrir rekstrarárið 2018. Á listanum þessu sinni eru tæplega 900 fyrirtæki eða um 2% allra skráðra fyrirtækja á Íslandi. Men & Mice fékk sérstök verðlaun fyrir nýsköpun og Marel verðlaun fyrir framúrskarandi árangur í samfélagsábyrgð.
Myndir af viðburðinum Myndir af fulltrúum Framúrskarandi fyrirtækjum
Viðburðinn í heild sinni
Marel hlaut verðlaun fyrir framúrskarandi samfélagsábyrgð. „Það er sannarlega mikil hvatning fyrir okkur að fá verðlaun sem þessi og halda áfram á sömu braut,” segir Guðbjörg Heiða Guðmundsdóttir, framkvæmdastjóri Marel á Íslandi.
„Frumleg hugsun og sköpun er eitthvað sem við hjá Men & Mice leggjum mikið upp úr. Við erum snortin og stolt að fá verðlaun fyrir nýsköpun á þessum tímapunkti,” segir Magnús E. Björnsson forstjóri Men & Mice.
Creditinfo hefur greint rekstur íslenskra fyrirtækja og birt lista yfir þau fyrirtæki sem hafa sýnt fram á framúrskarandi og stöðugan árangur í rekstri. Á þessum tíu árum hafa rúmlega 1.500 fyrirtæki komist á lista Framúrskarandi fyrirtækja en einungis 69 fyrirtæki hafa setið á listanum öll tíu árin.
Listi yfir framúrskarandi fyrirtæki frá upphafi
Morgunblaðið er samstarfsaðili okkar í tilefni viðburðarins og var gefið út sérstakt blað með viðtölum við stjórnendur og eigendur framúrskarandi fyrirtækja.
Meira á mbl.is