Hver á félagið?

Endanlegir eigendur hefur að geyma upplýsingar um þann eða þá aðila sem raunverulega eiga fyrirtækið sem aflað er upplýsinga um. Einnig kemur fram hversu stóran hluta hver og einn eigandi á.

Eignarhald er rakið til einstaklinganna sem standa á bak við fyrirtæki sem ekki eru til eigendaupplýsingar fyrir. Endanlegir eigendur geta því auk einstaklinga til dæmis verið ríkissjóður eða lífeyrissjóðir. Innifaldar eru upplýsingar úr hluthafaskrá.

Einnig er hægt að kaupa sérstaklega lista yfir þá aðila sem skráðir eru hluthafar í tilteknu félagi.

Sýniseintak: Endanlegir eigendur
Sýniseintak: Hluthafar

Hvaða eignir á félagið?

Endanleg eign í félögum hefur að geyma upplýsingar um endanlega eign í fyrirtækjum tiltekins aðila.

Þar birtast upplýsingar um félag sem tiltekinn einstaklingur eða lögaðili á hlut í og jafnframt upplýsingar um öll þau félög sem viðkomandi tengist í gegnum eignarhluti þess félags. Þannig er eignarhaldið rakið.

Hægt er að kaupa sérstaklega lista yfir eignir fyrirtækis í öðrum félögum.

Sýniseintak: Endanleg eign í félögum
Sýniseintak: Eign í félögum

Hlutafélagaskrá

Hlutafélagaskrá birtir upplýsingar um aðstandendur fyrirtækis. Þar er hægt að skoða tilgang félags, skráð hlutafé, hverjir skipa stjórn þess og fleira. Hægt er að skoða gildandi skráningu og bera saman við eldri gögn, eða bera saman eldri gögn frá ólíkum tíma. Skráin er uppfærð daglega. Hægt er að vakta nýskráð félög og fá sendan tölvupóst þegar félag er skráð í hlutafélagaskrá. Þá er einnig hægt að afmarka vaktina við stikkorð og fylgjast þannig t.d. sérstaklega með tiltekinni atvinnugrein.

Sýniseintak: Hlutafélagaskrá

Hlutafélagaþátttaka

Skýrsla um hlutafélagaþátttöku inniheldur upplýsingar um tengsl einstakra aðila við félög sem skráð eru í hlutafélagaskrá. Þar má einnig sjá stöðu aðila hjá félaginu, svo sem hvort viðkomandi er stjórnarformaður, varamaður, framkvæmdastjóri, prókúruhafi, endurskoðandi eða stofnandi.

Sýniseintak: Hlutafélagsþátttaka

Tengslaskýrsla

Tengslaskýrsla er ítarleg samantekt á upplýsingum um tengsl stjórnenda og fyrirtækja. Fram koma meðal annars upplýsingar um eigendur og hluthafa, hlutafélagaþátttöku stjórnarformanns og framkvæmdastjóra og dóttur- og hlutdeildarfélög, ásamt ársniðurstöðum tengdra félaga.

Sýniseintak: Tengslaskýrsla

Áreiðanleikaskýrsla stjórnenda

Áreiðanleikaskýrsla felur í sér greiningu á hlutafélagaþátttöku tiltekins einstaklings og yfirlit yfir sögu hennar. Að auki inniheldur skýrslan samantekt á fjölmiðlaumfjöllun á umræddu tímabili. Hún veitir þannig góða yfirsýn yfir orðspor og árangur stjórnenda fyrirtækja og getur verið dýrmætt innlegg í ákvarðanatöku við ráðningar eða hagsmunaskráningu hjá hinu opinbera. Velkomið er að hafa samband við Creditinfo til að fá frekari upplýsingar.

Sýniseintak

Verðskrá