Stjórnendur Creditinfo

Framkvæmdastjóri

Hrefna Ösp Sigfinnsdóttir

Hrefna Ösp Sigfinnsdóttir er framkvæmdastjóri Creditinfo á Íslandi og hóf störf hjá félaginu á árinu 2021. Hrefna Ösp hefur unnið á innlendum fjármálamarkaði undanfarin 27 ár en hún gegndi stöðu framkvæmdastjóra hjá Landsbankanum frá árinu 2010 en hafði fyrir þann tíma starfað sem sjóðsstjóri hjá verðbréfafyrirtæki og sem yfirmaður skráningarsviðs hjá Kauphöllinni. Hrefna hefur setið í stjórnum fjölda fyrirtækja bæði á Íslandi og erlendis og er jafnframt einn stofnaðila IcelandSIF. Hrefna er viðskiptafræðingur frá Háskóla Íslands og með löggildingarpróf í verðbréfaviðskiptum.


Forstöðumaður Fjármála- og rekstrarsviðs

Anna Lára Sigurðardóttir

Anna Lára Sigurðardóttir er forstöðumaður Fjármála- og rekstrarsviðs Creditinfo. Anna Lára hóf störf hjá félaginu árið 2008 þá sem þjónustustjóri félagsins. Áður starfaði hún sem hópstjóri hjá fjarskiptafélaginu Nova og sem ráðgjafi hjá Motus. Anna Lára er með B.Sc. gráðu í viðskiptafræði frá Háskólanum á Bifröst.

Forstöðumaður Viðskiptastýringar og markaðsmála

Dagný Dögg Franklínsdóttir

Dagný Dögg Franklínsdóttir er forstöðumaður Viðskiptastýringar og markaðsmála. Dagný hóf störf hjá félaginu árið 2013 sem viðskiptastjóri. Áður starfaði hún sem sérfræðingur á Alþjóðasviði Valitor og sem viðskiptastjóri hjá Be in Retail Scandinavia AB í Svíðþjóð. Dagný er með B.Sc. gráðu í viðskiptafræði frá Háskóla Íslands og M.Sc. gráðu í samskiptafræðum frá Háskólanum í Gautaborg.

Forstöðumaður fyrir Greiningu og ráðgjöf

Gunnar Gunnarsson

Gunnar Gunnarsson er forstöðumaður fyrir Greiningu og ráðgjöf. Gunnar er með doktorspróf í stærðfræði frá Kaliforníuháskóla í Santa Barbara, M.A. gráðu í stærðfræði frá sama skóla og B.Sc. gráðu í stærðfræði frá Háskóla Íslands. Gunnar hefur mikla reynslu af áhættustýringu en hann starfaði áður við hana í Íslandsbanka og við ráðgjöf henni tengdri í eigin ráðgjafafyrirtæki, Integra ráðgjöf.

Forstöðumaður Vöru- og verkefnastýringar

Kristín Helga Magnúsdóttir

Kristín Helga Magnúsdóttir er forstöðumaður Vöru- og verkefnastýringar. Kristín hóf störf hjá félaginu árið 2015 sem vöru- og verkefnastjóri hjá Creditinfo á Íslandi. Árin 2018-2019 starfaði hún hjá Creditinfo Group þar sem hún bar ábyrgð á sameiginlegum vöruþróunarverkefnum N-Evrópu svæðisins. Hún er með B.Sc. gráðu í iðnaðarverkfræði og hugbúnaðarverkfræði frá Háskóla Íslands og M.Sc. gráðu í iðnaðarverkfræði frá Columbia University í New York í Bandaríkjunum.

Forstöðumaður Upplýsingatæknisviðs

Eiríkur Gestsson

Eiríkur Gestsson er forstöðumaður Upplýsingatæknisviðs. Eiríkur er með yfir 15 ára reynslu í hugbúnaðarþróun. Hann starfaði áður sem deildarstjóri hugbúnaðarþróunardeildar Símans og þar áður sem forritari og Scrum Master hjá sama fyrirtæki. Fyrir tímann hjá Símanum starfaði Eiríkur sem forritari hjá HugAx. Eiríkur er með B.Sc. gráðu í Tölvunarfræði frá Háskóla Reykjavíkur og Master í verkefnastjórnun (MPM) frá Háskóla Íslands.