Vanskilaskrá Creditinfo inniheldur upplýsingar um vanskil einstaklinga og fyrirtækja, ásamt upplýsingum um innheimtuaðgerðir.
Innsending mála á vanskilaskrá er áhrifarík leið til að auka innheimtur útistandandi skulda. Aðilum, sem eru með samningum um innsendingu vanskilamála við Creditinfo, býðst að senda mál á vanskilaskránna, annað hvort í gegnum þjónustuvef Creditinfo, innheimtukerfi Creditinfo eða vefþjónustu.
Með rekstri á VOG hefur Creditinfo frá árinu 1997 stuðlað að traustu og heilbrigðu viðskiptalífi. Á þeim starfstíma höfum við byggt upp þekkingu, víðtæka reynslu, traust og áreiðanlegt gagnasafn upplýsinga um vanskil og opinberar gjörðir.
VOG inniheldur upplýsingar um vanskil auk upplýsinga sem byggja á ákvörðun og úrskurði sýslumanna eða dómstóla og varða réttar- og fjárhagsstöðu einstaklinga og lögaðila. Áskrifendum að þjónustu Creditinfo býðst bæði aðgangur að VOG og heimild, á grundvelli samnings, til að senda upplýsingar um vanskil til miðlunar á vanskilaskrá, með vefþjónustu, í gegnum innheimtukerfi Creditinfo eða á þjónustuvef Creditinfo.
Vinnsla upplýsinganna byggir á skýrum verklagsreglum og markvissri gæðastjórnun, á grunni og í samræmi við kröfur laga og reglna sem gilda um vinnsluna. Creditinfo hefur starfsleyfi frá Persónuvernd. Rekstur og miðlun upplýsinga um vanskil fer fram á grundvelli þess starfsleyfis, eins og kveðið er á um í lögum, sem heimilar slíka vinnslu og miðlun til þriðja aðila.
Innsending áskrifenda á vanskilum hefur sýnt fram á að vera áhrifarík leið til að auka innheimtur útistandandi skulda.
Tilkynning frá Creditinfo um fyrirhugaða skráningu á vanskilaskrá verður oftast til þess að greiðandi bregst við og greiðir skuld innan 17 daga og áður vanskilum er miðlað á vanskilaskrá eða greiðir skuld innan 30 daga.
Aðilar sem eru með samning um innsendingu vanskilamála hafa yfirsýn yfir þau mál sem þeir hafa sent inn á þjónustuvef Creditinfo.
Creditinfo móttekur upplýsingar um vanskil frá áskrifanda. Skráning er yfirfarin af starfsmanni sem eftir atvikum samþykkir eða hafnar skráningu.
Þegar skráning hefur verið samþykkt er greiðanda gert viðvart með tilkynningu um fyrirhugaða skráningu á vanskilaskrá.
„Lánshæfismatið styður við ákvörðun okkar um reikningsviðskipti og okkur líður betur með þær. Lánshæfismatið hjálpar manni að taka góðar ákvarðanir fyrr.“
