Skuldastaða

Heimild Creditinfo til vinnslu er byggð á upplýstu samþykki einstaklings. Upplýst samþykki getur ýmist verið udirritað skjal eða rafrænt samþykki. Samþykkið þarf að vera sannarlegt, vistað á öruggum stað og tiltækt, sé þess óskað.

Í samræmi við heimildir til miðlunar ber Creditinfo að vista þær upplýsingar sem miðlað er úr skuldastöðukerfi í tvö ár. Að þeim tíma liðnum er upplýsingum eytt.

Tilkynning um uppflettingu er send í hvert sinn sem Creditinfo miðlar skuldastöðu, lánshæfismati eða upplýsingum um virka skráningu á VOG vanskilaskrá. Fyrsta tilkynning er send í bréfapósti, á skráð lögheimili samkvæmt Þjóðskrá, eftir það eru tilkynningar birtar og aðgengilegar á þjónustuvefnum.

Einungis þau fyrirtæki, stofnanir og sjóðir sem eru þátttakendur að kerfinu og starfa undir eftirliti Fjármálaeftirlitsins hafa heimild til að miðla gögnum og sækja gögn í kefið. Upplýst samþykki þarf að liggja til grundvallar uppflettingu í skuldastöðukerfi.

Þegar fyrirspurn er gerð í kerfið er hún send til þátttakenda sem skila upplýsingum til baka. Ekki er um að ræða miðlægan gagnagrunn. Athugasemdum við birtar upplýsingar á skuldastöðuyfirliti skal koma á framfæri við viðkomandi fyrirtæki, stofnun eða sjóð.

Þegar fyrirspurn er gerð í kerfið er hún send til banka og fjármálastofnanna sem skila upplýsingum til baka. Miðlægur gagnagrunnur er því ekki til staðar. Einstaklingar eiga rétt á að fá þær upplýsingar sem Creditinfo hefur miðlað og því ber okkur að geyma þau gögn sem sótt hafa verið í kerfið í tvö ár.

Ef þú telur að upplýsingar um skuldastöðu þína séu ekki réttar hafðu þá samband við okkur.

Á Mitt Creditinfo getur þú alltaf fylgst með því hvort nafni þínu hefur verið flett upp. Þú skráir þig inn með rafrænum skilríkjum eða færð lykilorð sent í heimabankann þinn.

Þegar nafni þínu er flett upp í fyrsta skipti er send tilkynning á lögheimili þitt. Ef þér er flett upp aftur næstu 12 mánuðina berst þér rafræn tilkynning á þjónustuvefnum Mitt Creditinfo. Ef meira en ár er liðið frá því að þér barst síðast tilkynning á lögheimili, þá sendum við aftur tilkynningu með bréfpósti þegar þér er flett upp aftur.

Uppfletting í skuldastöðukerfinu skilar yfirliti yfir skuldbindingar viðkomandi, stöðu á vanskilaskrá Creditinfo (á forminu „já“ eða „nei“) og hvort einstaka lán séu eru í vanskilum hjá kröfuhafa, óháð vanskilaskrá Creditinfo.

• Yfirdráttarlán – Yfirdráttarlán á tékkareikningi, hvort sem er í íslenskum krónum eða erlendum gjaldmiðli.
• Staða kreditkorta – Staða úttekta á kreditkortum á fyrirspurnartíma hverju sinni, sótt frá kortaútgefanda.
• Lánasamningar
• Víxlar
• Ábyrgðir – Bankaábyrgðir og aðrar ábyrgðir en sjálfsskuldarábyrgðir og fasteignaveðsábyrgðir.
• Erlend lán – Skuldabréf í erlendum gjaldmiðli.
• Skuldabréf – Skuldabréf eru skuldarviðurkenning sem skuldbindur lántaka til að greiða skuldina til baka samkvæmt ákveðnum skilmálum og greiða vexti eða annað sem tekið er fram í skuldabréfinu.
• Fjölgreiðslur – Fjölgreiðslur/greiðsludreifing eru t.d. skipting á reikningum í nokkra mánuði. Kortaútgefendur sjálfir, bankar og sparisjóðir, eru eigendur slíkra krafna og sjá um miðlun þessara upplýsinga, ekki kortafyrirtækin.
• Eignaleigusamningar – Samningar um fjármögnun lausafjár (t.d. bíla- og kaupleigusamningar). Hið fjármagnaða er í eigu fjármögnunaraðilans á samningstíma en oftast eignast skuldari lausaféð í lok samnings.
• Rekstrarleigusamningar – Samningar um fjármögnun lausafjár (t.d. bíla- og kaupleigusamningar). Hið fjármagnaða er í eigu fjármögnunaraðilans á samningstíma en oftast eignast skuldari lausaféð í lok samnings.
• Innheimtuskuldabréf – Aðeins miðlað þegar Fjármálafyrirtæki X sér um miðlun upplýsinga fyrir Fjármálafyrirtæki Y, sem þrátt fyrir það eru birtar undir nafni Fjármálafyrirtækis X í skuldastöðukerfinu. Fjármálafyrirtæki X getur miðlað upplýsingum fyrir Fjármálafyrirtæki Y á grundvelli samnings þeirra í milli eða á grundvelli samnings Fjármálafyrirtækis Y við Creditinfo um þátttöku í skuldastöðukerfinu. Fjármálafyrirtæki X þarf að upplýsa Creditinfo um þau fjármálafyrirtæki sem það miðlar upplýsingum fyrir í skuldastöðukerfið.

Þegar fyrirspurn er gerð í kerfið er hún send til þátttakenda sem skila upplýsingum til baka. Miðlægur gagnagrunnur er því ekki til staðar. Einstaklingar og fyrirtæki eiga rétt á að fá þær upplýsingar sem Creditinfo hefur miðlað og því ber Creditinfo að geyma þau gögn sem sótt hafa verið í kerfið í tvö ár.