Framúrskarandi fyrirtæki 2016

624 fyrirtæki hljóta viðurkenninguna í ár sem er um 1,7% af skráðum fyrirtækjum hérlendis. Þessi fyrirtæki eiga það sameiginlegt að sýna stöðugleika í rekstri og skapa þannig sjálfbær verðmæti og eru því afar verðmæt fyrir hluthafa og samfélagið í heild sinni.

Sérstakir samstarfsaðilar Creditinfo vegna Framúrskarandi fyrirtækja eru Samtök verslunar og þjónustu, Samtök ferðaþjónustunnar, Samtök fyrirtækja í Sjávarútvegi, Samtök fjármálafyrirtækja,  Samorka  og Samtök iðnaðarins.

Dagskráin

• Brynja Baldursdóttir, framkvæmdastjóri Creditinfo flytur erindi
• Tómas Andrés Tómasson, framkvæmdastjóri Hamborgarabúllu Tómasar flytur erindi
• Benedikt Jóhannesson, fjármála- og efnahagsráðherra afhendir sérstakar viðurkenningar

Sérstakar viðurkenningar

Hástökkvari á listanum
Viðurkenningin er veitt fyrirtæki sem fer upp um flest sæti á listanum milli ára m.t.t. ársniðurstöðu.

Yngsta fyrirtækið í erfiðasta atvinnugeiranum
Viðurkenningin er veitt fyrirtæki sem hefur náð skjótum og góðum árangri í erfiðri atvinnugrein. Við viljum vekja athygli á því sem vel er gert og hvernig það er gert, í geira sem hefur reynst mörgum þungur.

Nýsköpun í rótgrónu fyrirtæki
Viðurkenningin er veitt rótgrónu fyrirtæki sem þykir hafa skarað fram úr í nýsköpun. Nýsköpun er mikilvæg fyrir vöxt og framþróun allra fyrirtækja og atvinnugeira á Íslandi. Dómnefnd fyrir þessa viðurkenningu var skipuð af fulltrúum allra aðildarfélaga Samtaka atvinnulífsins (SI, SVÞ, SFF, SFS, Samorku og SAF).

Um Framúrskarandi fyrirtæki

Creditinfo hefur unnið ítarlega greiningu á rekstri íslenskra fyrirtækja síðan 2010. Greining þessi og listinn yfir Framúrskarandi fyrirtæki stuðlar að frekari þekkingu um viðskiptaumhverfið hérlendis. Aukið gegnsæi og þekking á starfsemi fyrirtækja eykur traust og orðspor þeirra fyrirtækja sem standa sig vel og verður jafnframt öðrum hvatning til að gera betur.