COVID-váhrifamat

Creditinfo hefur útbúið COVID-váhrifamat sem er ætlað að meta hugsanlega óvissu vegna COVID-faraldursins í rekstrarumhverfi fyrirtækja eftir atvinnugreinum. Með því að skoða COVID-váhrifamat í samhengi við lánshæfismat fyrirtækja fæst enn skýrari mynd af áhættu og óvissu í rekstri fyrirtækja.

Áskrifendur geta nálgast COVID-váhrifamatið þegar þeir fletta upp lánshæfismati fyrirtækja á þjónustuvef Creditinfo, en þar er tekið fram hvort óvissa í rekstrarumhverfi vegna áhrifa COVID-19 sé: óveruleg, lítil, meðallagi, mikil eða mjög mikil.

Meira um COVID-váhrifamatið á blogg.creditinfo.is

Hver er óvissan tengd COVID-19 í þínu viðskiptasafni?

Fyrirtækjum býðst að sækja upplýsingar um COVID-váhrifamatið fyrir viðskiptasafn sitt til að leggja mat á áhrif COVID-19 faraldursins á reksturinn. Hægt er að taka saman lista af núverandi viðskiptavinum með tilliti til lánshæfismats og COVID-váhrifamats til að kortleggja áhættuna í rekstrinum enn betur í ljósi ástandsins.

Verð frá 29.900 kr. án vsk.

Panta greiningu

Hver er munurinn á COVID-váhrifamati og lánshæfismati?

Lánshæfismat metur líkur á vanskilum á meðan COVID-váhrifamat gefur hugmynd um óvissu í útreikningi lánshæfismats fyrirtækja niður á atvinnugrein vegna áhrifa COVID-19.

Kemur COVID-váhrifamat í staðinn fyrir lánshæfismat?

Nei. Lánshæfismat metur líkur á vanskilum á meðan COVID-váhrifamat gefur hugmynd um óvissu í útreikningi lánshæfismat fyrirtækja niður á atvinnugrein vegna áhrifa COVID-19.

Hvernig á ég að meta fyrirtæki sem er með slæmt váhrifamat og gott lánshæfismat?

Með því að skoða váhrifin á atvinnugeirann í samhengi við lánshæfismat fyrirtækja má betur átta sig á áhættu og óvissu í rekstri á meðan áhrifa COVID-19 gætir. Þannig verða til 5 flokkar í takt við mismunandi óvissu í rekstrarumhverfi fyrirtækjanna.

Hverjar eru forsendur váhrifamatsins?

Fyrirtæki eru flokkuð í 21 starfsemisflokk eða atvinnugeira byggt á ISAT-flokkum og staðsetningu. Hver geiri fær svo einkunn út frá:

fjárhagsupplýsingum
fjarlægð frá ferðaþjónustu (er fyrirtækið í ferðaþjónustu eða að þjónusta ferðaþjónustufyrirtæki)
hversu nauðsynleg varan/þjónustan er
hversu auðveldlega fyrirtækið getur starfað þegar lokanir eru
hversu vel starfsemin getur aðlagast breyttum aðstæðum
hversu fljótt eftirspurn vaknar eftir lokanir
hvort líklegt er að aðfangakeðjan slitni

Munu forsendur í útreikningi váhrifamatsins breytast með tímanum?

Já þær gætu gert það. Creditinfo fylgist náið með stöðu mála í efnahagslífinu og mun uppfæra forsendur COVID-váhrifamatsins eins og þörf krefur. Þar sem óvissa ríkir um hversu lengi áhrifa COVID-19 mun gæta í íslensku efnahagslífi er ekki hægt að segja til um það með vissu hversu lengi váhrifamatið verður virkt í kerfum Creditinfo.