Fjölmiðlaráðgjöf

Lesið í fjölmiðlana

Fjölmiðlar samtímans spanna sífellt breiðara svið í tíma og rúmi. Um það bera netmiðlar glöggt vitni, nýjasta og hraðskreiðasta viðbót nútímafjölmiðlunar. Þá virðast vegir þjóðfélagsumræðunnar  á stundum órannsakanlegir. Óvægin umræða kann að geisa í hluta fjölmiðlanna, á meðan dúnalogn ríkir í öðrum, smáfrétt getur vakið gríðarlegt umtal, en daglegar stórfréttir lítið sem ekkert.

Þetta augsýnilega óreiðulögmál getur kallað á sérfræðiálit, svo að henda megi reiður á málin. Fjölmiðlavaktin býður fjölbreytta aðstoð sérfræðinga í fjölmiðlaráðgjöf, sem miðar að því að hámarka virði þjónustunnar fyrir viðskiptavini okkar.

Við aðstoðum þig við að finna réttu svörin við spurningum á borð við:

• Kallar umfjöllun á viðbrögð?
• Hvaða viðbrögð og hvar?
• Er ég að vanmeta/ofmeta áhrifin?
• Eru forsendur fyrir nánari eða umfangsmeiri greiningu?
• Hverju bætir nákvæmari eða umfangsmeiri greining við?
• Hver er líkleg framvinda og áhrif?
• Hver er raundreifing umfjöllunarinnar? 
• Hvað segir reynslusarpurinn (case studies)?
• Má auka virði núverandi greiningar?

Nánari upplýsingar veitir Helga Guðrún Jónasdóttir, viðskiptastjóri Fjölmiðlavaktarinnar.