Réttindi hins skráða

Réttindin hins skráða

Í 18. gr. laga nr. 77/2000 um persónuupplýsingar og persónuvernd er vikið að réttindum hins skráða. Þar segir:

Hinn skráði á rétt á að fá frá ábyrgðaraðila vitneskju um:

1. Hvaða upplýsingar um hann er eða hefur verið unnið með
2. Tilgang vinnslunnar
3. Hver fær, hefur fengið eða mun fá upplýsingar um hann
4. Hvaðan upplýsingarnar koma
5. Hvaða öryggisráðstafanir eru viðhafðar við vinnslu, enda skerði það ekki öryggi vinnslunnar

Sjá neðanritað fyrir hvern lið.

Varðandi 1. tölulið, um hvaða upplýsingar um hinn skráða er eða hefur verið unnið með:

Ef upplýsingar eru á skrá yfir vanskil getur hinn skráði ávallt nálgast þær með því að fá þær póstsendar á lögheimili sitt eða með því að sækja þær á skrifstofu félagsins gegn framvísun persónuskilríkja. Sama gildir ef um er að ræða upplýsingar sem hafa verið skráðar á skrá yfir vanskil á síðustu 7 árum. Að sjö árum liðnum er upplýsingarnar hins vegar ekki lengur tiltækar hjá Creditinfo.

Varðandi 2. tölulið, um tilgang vinnslunnar:

Skráning upplýsinga á skrá yfir vanskil, rekstrarsöguskrá og/eða skrá upplýsinga úr Lögbirtingi, er í þeim tilgangi að gera þær aðgengilegar fyrir fyrirtæki og stofnanir sem hafa lögvarða hagsmuni af því að skoða þessar upplýsingar við könnun á lánstrausti í tengslum við tilvonandi eða yfirstandandi lánaviðskipti, eða vegna innheimtu á kröfum. Aðgengi er háð ýmsum skilyrðum, sem viðkomandi stofnanir og fyrirtæki verða að gangast undir, enda mæla oft lög og reglugerðir fyrir um slíkt.

Varðandi 3. tölulið, um hver fái, hafi fengið eða muni fá upplýsingar um hinn skráða:

Upplýsingarnar hér skiptast upp í nokkra hluta:Hver fái og hver muni fá upplýsingar:

• Þeir aðilar þar sem viðkomandi óskar eftir reikningsviðskiptum
• þeir aðilar þar sem viðkomandi er með yfirstandandi reikningsviðskipti
• lögmannsstofa sem sér um innheimtu gjaldfallinna krafna gagnvart viðkomandi
• þeir sem eru með kennitölu viðkomandi á vanskilavakt vegna yfirstandandi reikningsviðskipta eða gjaldfallinna krafna

 

Hver hafi fengið upplýsingar:

Þeir aðilar sem koma fram í uppflettingayfirliti, sem nær 2 ár aftur í tímann. Yfirlit þetta er hægt að senda á lögheimili viðkomandi eða sækja á skrifstofu félagsins gegn framvísun persónuskilríkja.

Varðandi 4. tölulið, um hvaðan upplýsingarnar koma:

Þær upplýsingar koma fram á yfirliti af skrá yfir vanskil. Upplýsingarnar eru eðlilega mismunandi frá einum aðila til annars, en almennt koma upplýsingar frá dómstólum, sýslumannsembættum, kröfuhöfum og/eða umboðsmönnum kröfuhafa.

Varðandi 5. tölulið, um hvaða öryggisráðstafanir séu viðhafðar við vinnsluna, að því marki sem það skerðir ekki öryggi vinnslunnar:

Helstu öryggisráðstafanir eru eftirfarandi:

• Samningur um trúnað og þagnareið allra sem starfa hjá félaginu, þó svo viðkomandi starfi ekki beint við umsýslu gagna um vanskil. Skilmálar samnings um trúnað og þagnareið heldur að fullu gildi þó svo látið sé af störfum.
• Gagnaskráning fer fram á lokuðu, aðgangsstýrðu svæði.
• Tölvukerfi eru endurskoðuð af utanaðkomandi aðila a.m.k. árlega og vottað að þau standist öryggiskröfur.
• Pappírsgögnum eru tætt eða farið með þau í gagnaeyðingu (hjá Gagnaeyðingu ehf.) – sama gildir um tölvudisklinga og tölvudrif, sem hætt er að nota.
• Öryggisstjórn og öryggishandbók, byggð á ISO 27001, alþjóðlegum staðli um upplýsingaöryggi.